Shumë u përfol për një transferim të Jadon Sancho te Manchester United verën e kaluar. Talenti anglez i Borussia Dortmund ishte objektivi i madh i “Djajve të Kuq”, por marrëveshja nuk u arrit mes dy klubeve.
20-vjeçari i krahut të djathtë të sulmit kishte dhënë “ok”-in e tij për rikthimin në Premier League, diçka që e zbulon Hans-Joachim Watzke për Kicker. “Jadon Sancho donte Manchester United, ishte gati të transferohej në ‘Old Trafford’ në verë“, deklaron CEO i klubit gjerman.
Verdhezinjtë kërkonin mbi 100 milion euro për të lënë të lirë yllin e sulmit, teksa United tentoi të paguante me këste dhe jo të plotë shumë që donin gjermanët. Një gjë e tillë prishi negociatat mes palëve dhe akordi final nuk u arrit. /abcnews.al
