Përtej qendrës së kongresit G20 të sapondërtuar është një zonë e madhe plot me tulla të thyera, copa betoni, këpucë dhe çanta shpine të braktisura. Duken si mbeturina, por disa muaj më parë, njerëzit jetonin këtu. Qeveria shkatërroi shtëpitë e tyre, duke thënë se ndërtesat ishin të paligjshme.
Por një grua e quajtur, Maya, tha për BBC, se kjo nuk ishte ajo që i thanë kur u shkatërrua shtëpia e saj. “Ata na shkatërruan shtëpitë dhe na bënë të pastrehë. Ata thanë se donin të pastronin zonën për G20. Ata na thanë të lëviznim nga këtu.”
Maya jeton në një komunitet të varfër ku disa shtëpi të vogla janë ndërtuar, së bashku me kanalet e hapura të kanalizimeve. Ndërsa kaq shumë para janë shpenzuar për të pastruar Delhin, vendet e mjerueshme nuk kanë marrë ndonjë vëmendje.
Megjithatë, Niaz, një banor tjetër nuk e ka problem. “Mendoj se është mirë të shpenzohen të gjitha këto para pasi këto gjëra po ndodhin për herë të parë në Indi në 75 vitet e pavarësisë së saj. Për të arritur diçka, duhet të humbasim diçka. Për të bërë emër, duhet të rrezikosh”, tha ai.
