Edhe doza të vogla të aktivitetit fizik, si ecja e shpejtë, mund të zvogëlojnë ndjeshëm rrezikun e depresionit, sipas kërkimeve shkencore përkatëse.
Ushtrimet janë të mira për ne. Përmirëson gjumin, ul presionin e gjakut, mbron nga sëmundjet e zemrës, diabeti dhe kanceri. Redukton stresin, rrit disponimin dhe lufton ankthin dhe depresionin.
Nivelet e rekomanduara të aktivitetit fizik, sipas Qendrave të SHBA për Kontrollin dhe Parandalimin e Sëmundjeve, përfshijnë aktivitet të moderuar aerobik (siç është ecja e shpejtë) për 2,5 orë në javë, së bashku me stërvitjen e të gjitha grupeve kryesore të muskujve 2 herë në javë. Përndryshe, një person mund të zgjedhë ushtrime të forta aerobike, të tilla si vrapimi, për 1.25 orë çdo javë, së bashku me të njëjtën sasi stërvitjeje forcash.
Hulumtimi, i botuar në revistën JAMA Psychiatry, shqyrtoi 15 studime që përfshinin më shumë se 190,000 njerëz për të përcaktuar se sa minuta ushtrime nevojiteshin për të reduktuar depresionin.
Të rriturit që bënin aktivitete ekuivalente me 1.25 orë ecje të shpejtë në javë kishin një rrezik 18 për qind më të ulët të depresionit në krahasim me ata që nuk ushtroheshin, tha studimi. Prandaj, 2.5 orë ecje të shpejtë në javë u shoqëruan me një rrezik 25% më të ulët të depresionit.
Përfitimet ishin më të forta kur një person i thoshte lamtumirë një jete sedentare dhe e vinte jetën në lëvizje.
“Gjetjet tona kanë implikime të reja të rëndësishme për profesionistët e shëndetit që bëjnë rekomandime për stilin e jetës, veçanërisht për individët që mund ta perceptojnë qëllimin aktual të rekomanduar të aktivitetit fizik si joreal,” shkruajnë autorët e studimit./abcnews.al
