Vaksinimi i të gjithë popullsisë është një prioritet kryesor për parandalimin e pandemisë. Sipas një njoftimi të Pfizer, vaksina ofron mbrojtje afatgjatë kundër virusit SARS -CoV-2 tek fëmijët e moshës 12 deri në 15 vjeç.
Në studim morën pjesë 2228 persona, të cilët u monitoruan gjatë periudhës nëntor 2020 deri në shtator 2021. Më konkretisht, dy dozat e vaksinës ishin 100% efektive në mbrojtjen kundër COVID-19 gjatë periudhës 7 ditë deri në 4 muaj pas dozës së dytë.
Asnjë nga të vaksinuarit nuk u diagnostikua me COVID-19, ndërsa 30 raste me COVID-19 u diagnostikuan në mesin e të pavaksinuarve. Efikasiteti i vaksinës ishte i njëjtë pavarësisht nga gjinia, përkatësia etnike dhe raca e pjesëmarrësve, raporton abcnews.al
Gjithashtu gjatë studimit, asnjë nga pjesëmarrësit nuk patën probleme serioze shëndetësore 6 muaj pas vaksinimit. Bazuar në të dhënat e kësaj analize paraprake, kompania do të inkorporojë peticionet drejtuar rregullatorëve në SHBA dhe Europë për miratimin e plotë të vaksinës BNT162b2 në një dozë prej 30 mikrogramë tek adoleshentët e moshës 12 deri në 15 vjeç.
Aktualisht, kjo vaksinë ka marrë miratimin e plotë për moshat mbi 16 vjeç dhe miratimin urgjent për moshat 12-15 vjeç. Si përfundim, këto rezultate rrisin besimin në sigurinë dhe efikasitetin e vaksinës kundër COVID-19.
/abcnews.al
