Anëtarët evropianë të NATO-s dhe Kanadaja kanë rritur shpenzimet e tyre të mbrojtjes me 20 për qind në 2024 krahasuar me një vit më parë, duke e çuar totalin në më shumë se 485 miliardë dollarë, tha Sekretari i Përgjithshëm i NATO-s, Mark Rutte.
“Mezi pres të pres ministrat e Mbrojtjes në selinë e NATO-s javën e ardhshme, kur do të diskutojmë investime më të mëdha në mbrojtje,” tha Rutte në përgjigje të një kërkese të Reuters që NATO të publikojë të dhënat më të fundit mbi shpenzimet e mbrojtjes.
Rutte theksoi se investimet shtesë të NATO-s janë rritur vitet e fundit nga 640 miliardë dollarë në 700 miliardë dollarë. Alokimet e mbrojtjes për anëtarët e NATO-s pritet të shpallen të mërkurën në një takim të ministrave të mbrojtjes të NATO-s në Bruksel, ku do të marrë pjesë edhe sekretari amerikan i Mbrojtjes Pete Hegseth.
Presidenti i SHBA-së, Donald Trump po u bën presion anëtarëve të tjerë të NATO-s për të rritur shpenzimet e mbrojtjes nga objektivi aktual prej dy përqind në pesë përqind./abcnews.al
