Sekretari i Këshillit të Sigurimit të Rusisë, Nikolai Patrushev, ka pohuar se NATO është palë në luftën në Ukrainë, sipas agjencisë së lajmeve Interfax.
Patrushev, një ish-kreu i FSB-së, i cili ka shërbyer në postin e sekretarit të këshillit të sigurisë që nga viti 2008, është një mik i ngushtë i Vladimir Putin.
“Në fakt, vendet e NATO-s janë palë në konflikt. Ata e bënë Ukrainën një kamp të madh ushtarak. Ata po dërgojnë armë dhe municione për trupat ukrainase, u sigurojnë atyre inteligjencë”, tha Patrushev.
Ai ka akuzuar më parë Perëndimin për komplote të shumta, duke përfshirë “krijimin e një perandorie gënjeshtrash, që përfshin poshtërimin dhe shkatërrimin e Rusisë”, si pjesë e një plani të supozuar për reduktimin e popullsisë së botës.
Disa vëzhgues të Rusisë e kanë cilësuar atë si një pasardhës të mundshëm të Putinit.
/abcnews.al
