Rusia tha se kishte penguar një sulm me gaz toksik që po përgatitej nga shërbimet e inteligjencës ukrainase në rajonin Zaporizhia të Ukrainës jugore, i cili është pjesërisht nën kontrollin e forcave ruse.
“Një përpjekje e shërbimeve sekrete ukrainase për të kryer një sulm në rajonin e Zaporizhia duke përdorur ekuivalentin e një agjenti toksik ushtarak “BZ” sipas klasifikimit të NATO-s është paradaluar,” njoftoi shërbimi rus i sigurisë FSB.
Agjentët toksikë të sekuestruar në këtë operacion përdoren për prodhimin e armëve kimike të shkatërrimit në masë dhe janë projektuar në SHBA, tha FSB në një deklaratë.
Autoritetet ruse kanë nisur një hetim për sulmin dhe prodhimin e armëve të shkatërrimit në masë ndërsa tre shtetas ukrainas janë arrestuar.
Zaporizhi është një nga katër rajonet e Ukrainës, së bashku me Kherson, Donetsk dhe Luhansk që Rusia njoftoi se do t’i aneksonte në vitin 2022, megjithëse ato nuk kontrollohen plotësisht nga ushtria ruse.
/abcnews.al
