Ministria ruse e mbrojtjes tha se forcat e saj nuk kishin armë të rënda të vendosura në termocentralin bërthamor të Zaporizhzhia, duke akuzuar Kievin për përgatitjen e një provokimi.
“Trupat ruse nuk kanë armë të rënda as në territorin e stacionit dhe as në zonat përreth tij. Ka vetëm njësi roje”, tha ministria në një deklaratë.
Duke vënë në dukje akuzat se forcat ruse kanë bombarduar pozicionet ukrainase nga territori i termocentralit bërthamor, ministria tha se Kievi po planifikonte një “provokim” gjatë një vizite në Ukrainë nga shefi i OKB-së Antonio Guterres që do ta shihte Moskën “të akuzuar për krijimin e një katastrofe njerëzore në uzinë”, shkruan Al Jazeera.
Ai tha se Ukraina po vendoste forca në zonë dhe planifikoi të nisë sulme artilerie në uzinë nga qyteti i Nikopol të premten, kur Guterres do të vizitojë Odesën. /abcnews.al
