Rusia mund të ndërmarrë masa nëse Shtetet e Bashkuara dhe NATO ndjekin përshkallëzimin e vendosjes së armëve bërthamore në Evropë.
Kështu u shpreh në një intervistë për agjencinë ruse të lajmeve, TASS, Vladimir Yermakov, drejtor i Departamentit të Mospërhapjes dhe Kontrollit të Armëve të Ministrisë së Jashtme ruse.
“Nëse Shtetet e Bashkuara dhe NATO vendosin t’i përshkallëzojnë gjërat më tej, ne do të vlerësojmë rreziqet e reja për të identifikuar një përgjigje të përshtatshme, duke përfshirë atë asimetrike,” tha diplomati, kur u pyet nëse Perëndimi mund të vendosë armët e tij bërthamore pranë Bjellorusisë.
Më herët, presidenti rus Vladimir Putin tha se, me kërkesë të Minskut, Rusia do të vendosë armët e saj taktike bërthamore në vendin fqinj, pikërisht në mënyrën se si Shtetet e Bashkuara kanë mbajtur prej kohësh armët e veta bërthamore në territoret e aleatëve të saj. Sipas Putinit, Moska tashmë ka transferuar sistemin Iskander me aftësi bërthamore në Minsk dhe po ndihmon homologët e saj bjellorusë të rinovojnë avionët e tyre.
Në fillim të këtij muaji, zëdhënësi i Kremlinit Dmitry Peskov qortoi Perëndimin për histerinë e tij mbi planet e Rusisë për të instaluar objekte magazinimi për armë të tilla në Bjellorusi./abcnews.al
