Rusia po planifikon të dëbojë diplomatët gjermanë, mësuesit dhe punonjësit e institucioneve kulturore muajin e ardhshëm.
Ky veprim, ka të ngjarë të shkaktojë më shumë tensione midis dy vendeve, shkruan Sky News.
Ministria e Jashtme gjermane kritikoi vendimin e Rusisë, duke i quajtur dëbimet e ardhshme “të njëanshme, të pajustifikuara dhe të pakuptueshme”.
Disa qindra punonjës të shtetit gjerman, përfshirë mësuesit dhe stafin e Institutit Goethe, i cili promovon kulturën dhe gjuhën gjermane jashtë vendit, mund të dëbohen, njoftoi gazeta e lajmeve Sueddeutsche Zeitung.
Ky veprim vjen si përgjigje ndaj reduktimit të shërbimeve të inteligjencës ruse në Gjermani në fillim të këtij viti.
“Ministria e Jashtme ruse e kishte bërë publike në prill vendimin e saj për të vendosur një kufi në numrin e stafit në misionet tona jashtë vendit dhe në organizatat ndërmjetëse gjermane në Rusi”, tha një zëdhënës i Ministrisë së Jashtme gjermane.
Gjermania nuk njoftoi asnjë përgjigje konkrete ndaj dëbimeve të Rusisë, të cilat pritet të fillojnë javën e ardhshme./abcnews.al
