Rrugët e brendshme të qytetit historik të Beratit janë në gjendje të mjerueshme. Qyteti i “një mbi një dritareve”, pjesë e trashëgimisë botërore të njohur nga UNESCO spikat për rrugët me gropa e baltë.
Ato duken si rrugë të një fshati të humbur.
Por në të vërtetë janë rrugët në lagjet e qytetit të UNESCO-s
Gropa me ujë dhe me baltë.
Pamjet janë realizuar pranë zonës muzeale në lagjen “Dëshmoret e Kombit” në Berat.
E tërë gjatësia e rrugës pas reshjeve të shiut është bërë thuajse e pakalueshme. Pas dimrit, këtu do të ketë gropa e pluhur.
Por duket se situata e tillë nuk është thjesht e përkohshme dhe stinore. Banorët thonë se në këtë rrugë nuk është investuar prej vitesh.
Zyrtarë të Bashkisë së Beratit i thanë ABC News se kanë gati projekte për çdo rrugë dytësore. Por, sipas tyre, mungojnë fondet. Deri në sigurimin e parave, qyteti i Beratit, një nga qytetet më të mbrojtura ndërkombtarisht, do të vazhdoje të ketë rrugë të tilla të fshehura pas fasadës se “një mbi një dritareve”./abcnews.al
