Nga Erblina Mile
Mbi 5.8 mld lekë kanë tërhequr shqiptarët vetëm gjatë muajit mars. Statistikat e Bankës së Shqipërisë tregojnë se ky është muaji i dytë që vijon kjo tendencë.
Gjatë marsit depozitat në lekë u ulën në 541 ,2 mld lekë nga 547 mld që ishin gjatë muajit të mëparshëm.
Nëse e krahasojmë me janarin tërheqja e parave është më e fortë .
Kjo situatë duket se është një tjetër efekt i shtrenjtimit të jetesës si pasojë e rritjes së çmimeve. Gjatë muajit mars në Shqipëri u shënua rekord i rritjes së çmimeve të karburanteve dhe të ushqimeve.
Kriza e çmimeve nuk ka prekur vetëm xhepat e qytetarëve por edhe të bizneseve të cilëve i janë shtrenjtuar kostot dhe i janë ulur shitjet. Kjo ka bërë që shumë biznese të prekin depozitat për të mbuluar shpenzimet.
Ulja e depozitave është një tendencë që vjen pas një periudhe kur pati vetëm shtim të parave të mbyllura në banka si pasojë e pandemisë dhe kufizimit të lëvizjeve .
Ulja e depozitave në lekë vjen në një moment kur Banka e Shqipërisë rriti normën bazë të interesit vendim i cili ndikon në shtimin e interesave për depozitat në lekë .Pas më shumë se dy dekadash BSH rriti normën bazë të interesit nga 0.5% në 1%.
Në ndryshim nga depozitat, kreditimi i ekonomisë në tre muajt e parë të këtij viti ka qenë e lartë. Gjatë periudhës janar-shkurt –mars rezulton se në total janë dhënë 65.7mld lekë kredi e re nga 48 mld që ishin në të njëjtën periudhë të një viti më parë./abcnews.al
