Të paktën 687 palestinezë janë vrarë dhe 3,276 janë plagosur në sulmet ajrore izraelite në Rripin e Gazës, sipas një njoftimi të Ministrisë së Shëndetësisë.
Ushtria izraelite ka nisur një sulm “të gjerë” ndaj qendrave të Hamasit në Gaza pas një breshëri sulmesh me raketa nga grupi në qytetet izraelite.
Më herët, ministri i mbrojtjes i Izraelit urdhëroi një rrethim total të Gazës, duke thënë se do të kishte një bllokadë të “energjisë elektrike, ushqimit, karburantit”.
Ndërkohë sirenat e alarmit janë dëgjuar në të gjithë pjesën veriore të Izraelit. /abcnews.al
