Pushtimi rus i Ukrainës ka intensifikuar më tej rivalitetin midis fuqive të mëdha dhe po e bën Zvicrën, vendlindjen e organizatave ndërkombëtare, një qendër për spiunazhin rus dhe kinez, sipas shërbimeve të inteligjencës zvicerane.
“Rusia ka shkatërruar rendin e paqes të bazuar në rregulla të Europës”, tha Shërbimi Informativ i Konfederatës Zvicerane (SRC) në raportin e tij vjetor të publikuar sot.
Kjo do të thotë se “forumet ndërkombëtare për promovimin e paqes dhe sigurisë kolektive, si OKB dhe OSBE kanë humbur përsëri efektivitetin e tyre dhe një rend i ri botëror i qëndrueshëm nuk është në horizont”, theksuan shërbimet e inteligjencës zvicerane.
Kësaj i shtohet edhe tendenca “drejt një rendi botëror bipolar, i shënuar nga rivaliteti sistematik mes SHBA-së dhe Kinës”. Prandaj “aktivitetet e huaja të spiunazhit, kryesisht ruse dhe kineze, vazhdojnë të jenë një kërcënim për Zvicrën,” theksuan ata.
/abcnews.al
