780,1 milionë fjetje janë regjistruar në akomodimet turistike në të gjithë Bashkimin Evropian në tremujorin e dytë të këtij viti, që paraqet një rritje të lehtë prej 0,2 për qind krahasuar me të njëjtin tremujor të vitit të kaluar, njoftoi këtë të premte Eurostat.
Duke parë muajt, në prill janë regjistruar 193,6 milionë fjetje, 8,7 për qind më pak nga viti në vit, dhe 272,1 milionë fjetje në maj, pra 7,9 për qind më shumë se maji i vitit të kaluar.
Në qershor, në BE janë regjistruar 314.5 milionë fjetje, 0.1 për qind më pak se vitin e kaluar.
Gjatë analizimit të këtyre të dhënave, duhet pasur parasysh se festat e Pashkëve, të cilat shumë njerëz i përdorin për udhëtime, në pjesën më të madhe të Evropës u festuan këtë vit në prill, ndërsa vitin e kaluar në mars.
Vizitorët e huaj përbënin afërsisht gjysmën, ose 49 për qind, të të gjithë qëndrimeve të turistëve gjatë natës në vendet e BE-së në tremujorin e dytë të 2024.
Pjesa më e madhe e turistëve të huaj në numrin e fjetjeve në fillim të vitit është regjistruar në Qipro 94,8 për qind, në Maltë 94,7 për qind dhe në Kroaci 91 për qind.
Në të kundërt, përqindja më e vogël e turistëve të huaj në numrin total të natëve u regjistrua në Poloni 18,2 për qind, Gjermani 18,7 për qind dhe Rumani 19,6 për qind.
Numri i netëqëndrimeve të turistëve të huaj në vendet e BE-së u rrit me 3,1 për qind nga viti në vit në tremujorin e dytë të 2024, ndërsa numri i fjetjeve të turistëve vendas ra me 2,5 për qind në të njëjtën periudhë.
Shkrimi është publikuar me rastin e Ditës Botërore të Turizmit, e cila festohet çdo vit më 27 shtator./abcnews.al
