Mbështetja financiare e buxhetit të shtetit parashikohet të jetë më e madhe për bujqësinë gjatë vitit të ardhshëm.ministrja e bujqësisë Anila Denaj prezantoi projektbuxhetin në komisionine veprimtarive ku deklaroi se fondi për këtë ministri është 15 miliardë lekë nga e cila 4,4 miliardë lekë mbështetje e drejtpërdrejtë do të shkojë për fermerët.
Për vitin e ardhshëm më shumë vëmendje do ti kushtohet edhe investimeve të ujitjes e kullimit si një masë për të parandaluar përmbytjet.
Ministrja Denaj bëri me dije se vitin e ardhshëm do të lançohet skema e Garancisë Sovrane për fermerët që do të sigurojë kredi me interesa të favorshme.
Ndërsa përsa i përket skemës Kombëtare të Investimeve e cila mbështet me 50% të vlerës së investimit fermerët për mekanikën bujqësore, serra, stalla dhe akuakulturë janë dorëzuar në total 400 aplikime./abcnews.al
