Rreth 62 miliardë e 20 milion lekë nga buxheti i shtetit vitin e ardhshëm do të shkojnë për arsimin dhe sportin. Rreth 18.8% më shumë se buxheti fillestar i këtij viti sipas ministres Ogerta Manastirliu e cila në komisionin parlamentar për ekonominë dhe financat tha se ky buxhet do të ketë në fokus investimet në infrastrukturën arsimore dhe rritjen e pagave për mësuesit.
“Të gjithë mësuesit, niveli i pagës mesatare në muaj shkon në 950 euro”.
Mbi 3 miliardë lekë do të shkojnë për tekste shkollore që do tu shpërndahen falas rreth 238 mijë fëmijë në arsimin bazë ndërsa 1.4 miliardë lekë do të lëvrohen për të mbështetur studentët me bursa.
Buxheti për arsimin u diskutua dhe në komisionin parlamentar të edukimit ku ministrja Ogerta Manastirliu u shpreh se për projekte të rëndësishme në infrastruktrën e institucioneve të arsimit të lartë.
Rreth 632 milion lekë ose 10 % më shumë se ky vit në 2025 sipas ministres Manastriliu do të shkojnë për sportin. Akademia e Manchester City dhe ajo e Rafael Nadal janë dy projektet kryesore në këtë fushë./abcnews.al
