Pas pushimeve të verës, studentët që vijnë për herë të parë në Tiranë, por edhe ata që jetojnë prej vitesh kërkojnë shtëpi me qira. Vitet e fundit çmimet e qirave janë rritur ndjeshëm, ndërkohë të rinjtë zgjedhin periferinë, që ofron çmime më të lira.
Ilda Lama është studente e vitit të dytë në degën e informatikës. Ajo ka zgjedhur të jetojë me qira në Tiranë dhe të ardhurat e jetesës i siguron përmes punës.
“Jam në marrëdhënie pune. Jam e kënaqur, është një punë që më paguan qiranë, internetin, dritat.”
Ilda pagesën e qirasë e ndan me një shoqe dhe jeton në periferi të kryeqytetit për të paguar më pak.
“Në fillim ishte e vështirë të gjeja një banesë që më përshtatej. Aktualisht paguaj 400. Eshtë një banesë e rehatshme e ndaj me një shoqe. Të gjesh një banesë afër shkollës ka qënë e vështirë. Kështu që përdorim transportin për të shkuar në shkollë.”
Agjentët imobiliarë pohojnë se pjesa më e madhe e studentëve preferojnë periferinë për çmime më të ulëta dhe shtëpi të mëdha për t’i ndarë me të tjerë.
“Une studentët i orientoj në zonat periferike. Bashkia i ka pajisur studentët me karta studenti dhe kjo u jep mundesi në transport. Zakonisht kërkojnë që t’a ndajnë banesën për 4 veta.”
Agjentet imobiliar tregojne dhe sa kushton një apartament me qira ne zonat që zgjedhin studentët.
“Kemi nje rritje me vitin e kaluar gati dyfish. Ne zonat si Astiri, Fresku, zona e Kamzes nuk mund te gjesh aparament në 320 euro dhomë kuzhinë të kompletuar. Ndërsa 2+1 nuk janë nën 40 apo 45 mije lekë.”
