Lëvizja palestineze Hamas përshëndeti këtë të premte vendimin e Gjykatës Ndërkombëtare të Drejtësisë në Hagë për kërkesën e Afrikës së Jugut për të vendosur masa urgjente kundër Izraelit për luftën e tij në Rripin e Gazës.
Hamasi gjithashtu i bëri thirrje bashkësisë ndërkombëtare që të kërkojë që Izraeli të zbatojë vendimet e gjykatës dhe të ndalojë atë që e quan “gjenocid” të vazhdueshëm kundër palestinezëve.
Vendimet e Gjykatës Ndërkombëtare të Drejtësisë, e cila zgjidh mosmarrëveshjet ndërmjet vendeve, janë ligjërisht të detyrueshme dhe përfundimtare. Megjithatë, gjykata nuk ka asnjë mënyrë për t’i zbatuar ato. Si për shembull, kur ajo i kërkoi Rusisë të pezullonte pushtimin e saj në Ukrainë./abcnews.al/abcnews.al
