Një person humbi jetën dhe pesë të tjerë u plagosën pas rrëzimit të një helikopteri në oqean pranë Norvegjisë perëndimore, duke pezulluar përkohësisht transportin drejt platformave të naftës dhe gazit në det të hapur.
Helikopteri Sikorsky S-92 i Bristow Norway po kryente një operacion kërkim-shpëtimi ditën e djeshme kur ndodhi përplasja, thanë zyrtarët.
Gjashtë anëtarët e ekuipazhit u shpëtuan nga ekipet e shpëtimit, por njëri prej tyre u shpall i vdekur në spital, tha policia në një deklaratë.
Një nga të mbijetuarit ka qenë sot në gjendje kritike për jetën dhe një është plagosur rëndë ndërsa tre të tjerët kanë pësuar lëndime të lehta.
Nuk dihet ende shkaku i aksidentit.
/abcnews.al
