Rreth një milion britanikë e lanë duhanin gjatë pandemisë

schedule05:36 - 16 Korrik, 2020

schedule 05:36 - 16 Korrik, 2020

Më shumë se një milion njerëz mund të kenë hequr dorë nga duhani që prej shpërthimit të pandemisë së koronavirusit në Mbretërinë e Bashkuar sipas një studimi të organizatës Aksioni për Duhanpirjen dhe Shëndetin, me seli në Londër.

Nga ata që kanë lënë duhanin në katër muajt e mëparshëm, 41% thonë se ky vendim ishte përgjigje e drejtpërdrejtë ndaj koronavirusit. Aksioni për Duhanpirjen dhe Shëndetin sqaron se sondazhi është kryer në periudhën 15 prill – 20 qershor, me një kampion përfaqësues prej 10,000 personash.”Mbi një milion duhanpirës mund të kenë arritur ta ndalojnë duhanin qëkur COVID-19 ka goditur Britaninë “, tha drejtuesja e organizatës, Deborah Arnott.

Rreth 7 milionë persona në Mbretërinë e Bashkuar u regjistruan si duhanpirës në vitin 2019.Në një tjetër studim, Kolegji Universitar i Londrës del në përfundimin se më shumë njerëz e kanë lënë duhanin këtë vit, deri në qershor, sesa në çdo vit tjetër që nga fillimi I anketimeve të këtij lloji në 2007-tën. Sipas udhëzimeve të ekzekutivit britanik, duhanpirësit mund të jenë të rrezikuar nga simptoma më të rënda të sëmundjes së shkaktuar nga koronavirusi.