Rreth 250 ushtarë të Wagner kanë kryer manovra përgjatë kufirit polak në Bjellorusi, sipas një organizate shtetërore të mbrojtjes civile të Ukrainës.
Qendra Kombëtare e Rezistencës tha se aktiviteti në një fshat pranë qytetit të Brest ishte pjesë e një “operacioni psikologjik” për të përshkallëzuar tensionet.
Rusia dëshiron të simulojë një kërcënim për vendet evropiane për të zvogëluar mbështetjen e tyre për Ukrainën, shkruan Sky News.
Vlerësimi vjen pasi zyrtarët bjellorusë konfirmuan dje një njësi tankesh i ishte nënshtruar testeve të zjarrit të drejtpërdrejtë në një poligon pranë qytetit të Grodno, i cili shtrihet në kufirin Bjellorusi-Poloni.
Javën e kaluar, presidenti i Bjellorusisë, Alexander Lukashenko, tha se Polonia duhet ta “falenderojë” atë për parandalimin e trupave të Wagner nga “shpartallimi i qyteteve” në vend.
Disa analistë perëndimorë kanë sugjeruar se Wagner nuk paraqet kërcënim ushtarak për Poloninë./abcnews.al
