Vali Corleone është arrestuar për dhunë në familje. Lajmin e ka konfirmuar zëdhënësi i policisë për rajonin e Gjilanit, Ismet Hashani.
“Dje rreth orës 02:00, policia ka pranuar një informacion se në Lagjen ‘Dardania’ në Gjilan është në rast i dhunës në familje. Në lidhje me këtë policia menjëherë i ka marr veprimet e nevojshme dha ka arrestuar personin me inicialet P.V.K. (M.K) (1983), i cili dyshohet se në vazhdimësi i kishte kanosur prindërit e tij”.
I dyshuari është arrestuar dhe pas marrjes në pyetje, me vendim të prokurorit është dërguar në mbajtje për 48 orë.
Vali Corleone është një ndër personazhet më të njohur të showbiz-it.
Edhe pse nuk ka asnjë lidhje me artin, ai u bë i famshëm disa vite më parë për shkak të jetës luksoze dhe marrëdhënies me persona të ekranit./abcnews.al
