Ronaldinho ka luajtur edhe në Serie A, me Milanin, dhe së fundmi ka dhënë një intervistë për “Gazzetta dello Sport”. Braziliani mendon se mund të jetë viti i kuqezinjve, ndërkohë që flet edhe për Zlatan Ibrahimovic.
“Mendoj se Milani është për titull, por ndoshta presim matematikën për ta thënë. E sigurt është se kam mbetur një tifoz i madh i Milanit dhe e ndjek gjithmonë kampionatin italian. Mendoj se mund të jetë viti i duhur për Milanin.
Kur unë isha aty Milani kishte shumë lojtarë, por ka edhe tani dhe mbizotëron koncepti i ekipit. Organizimi taktik është më i madh dhe kjo është arsyeja pse po bëjnë një punë të shkëlqyer”, shprehet Ronaldinho.
“Ibra? Zlatan është një mik i madh i imi. Edhe pse është 40 vjeç, ai po paraqitet mirë dhe po bën mirë për Milanin. Të fitosh një tjetër titull në moshën e tij do të ishte fantastike për të dhe klubin”, përfundon braziliani. / abcnews.al
