Loading ...
Finalja e madhe është lënë pas, ashtu si edhe titulli botëror.
Rodri, i shpallur lojtari më i mirë i Kupës së Botës dhe kampion i rruzullit me Spanjën, sot do të nisë një epokë të re në karrierë.
Pasi kaloi tek Barcelona dhe u stërvit siç duhet me kampionët e Spanjës, mesfushori pritet që të debutojë në “Kamp Nou”.
Besohet në prani të rreth 65 000 tifozëve, ai do të ketë disa minuta në duelin e kësaj mbrëmjeje ndaj Atletikut të Bilbaos.
Këtë e konfirmoi trajneri Hansi Flik në konferencën përpara ndeshjes, ndonëse është e qartë se kapiteni I “Furive të Kuqe” nuk është ende në 100 për qind të formës, dhe natyrisht do të duhet të përshtatet me stilin e lojës “blaugrana”.
Katalanasit paguan 60 milionë euro për kartonin e tij, për ta marrë nga Mançester Siti ku kishte ende kontratë, pesë më shumë sesa vlera teorike në treg, dhe Rodri refuzoi vetë Realin për të luajtur në “Kamp Nou”.
Pritet që ai ta bëjë Barçën edhe më shumë pretendente për titull, për vetë klasin, përvojën dhe personalitetin që ka, ndonëse beteja në La Ligë ndaj Realit të Murinjos pritet të jetë tepër e fortë.
