Dekretohet ligji për rivlerësimin/ Tatimi për shitjen e banesave ulet në 5 për qind nga 15 që është aktualisht

TIRANË- Presidenti i Republikës, Bajram Begaj ka dekretuar ligjin “për rivlerësimin e pasurisë së paluajtshme”.

Dekreti i kreut të shtetit mban datën 6 janar 2026. Ligji i ri parashikon uljen nga 15 në 5 për qind të tatimit për shitjen e banesave.

Ky hap do t’u japë mundësi qytetarëve të rivlerësojnë pasuritë e tyre, si dhe të paguajnë më pak tatim në shitjen e pronave.

Nga janari deri në dhjetor të 2026 i gjithë vendi do të përfshihet në fushatën e rivlerësimit të pasurive të paluajtshme./abcnews.al