Të gjitha shenjat tregojnë se Lionel Messi do të debutojë me PSG të dielën në ndeshjen e Ligue 1 ndaj Reims. Do jetë një moment i jashtëzakonshëm, me të cilin ndoshta do krenohen edhe kundërshtarët.
Predrag Rajkovic do të jetë portieri i parë rival i Messit në Francë. Serbi së fundmi ka folur për Marca dhe thotë se do ishte mrekulli nëse Messi, Neymar e Mbappe nuk i shënojnë të dielën.
“Do ishte mrekulli nëse unë do arrija ta mbaja portën e pastër ndaj PSG. Do kem përballë lojtarë nga një botë tjetër. E di se është shumë e vështirë t’i ndalosh. Kemi ndeshje të vështirë para nesh, por do bëjmë më të mirën. Do përpiqemi të bëjmë ndeshje të mirë deri në fund.
Messi, Neymar apo Mbappe? Ata janë të tre yjet më të mëdhenj të botës. Mesi do jetë nxitje e madhe në sulmin e PSG. Ardhja e tij do shtojë akoma më shumë njerëz që shohin Ligue 1”, tha Rajkovic. /abcnews.al
