Loading ...
Neymar është bindur për të rinovuar me PSG. Ylli brazilian do të firmosë së shpejti zgjatjen e bashkëpunimit me kampionët e Francës dhe shpreson që sezonin e ardhshëm të jetë sërish shok skuadre me Leo Messin.
Sulmuesi i ekipit të Pochettinos, ka folur rreth objektivave të tij në një prononcim për Daily Mail. “Unë motivohem nga fitoret që kam arritur në karrierën dhe jetën time. E di se çfarë do të thotë të fitosh Champions League.
Dua të luaj një tjetër finale me PSG, jam i bindur që një gjë e tillë do të ndodhë. E ardhmja? Nuk ia dal të shoh shumë ndeshje të Premier League, por më kanë treguar se atje luhet një futboll shumë fizik, njësoj ndodh edhe në Francë“, deklaron Neymar. /abcnews.al
