Tifozët e Borussia Dortmund janë ndër më të zjarrtët në planet dhe skuadra e Lucien Favre do e ketë të vështirë të mbyllë sezonin pa mbështetjen e tyre. Trajneri i verdhezinjve analizon situatën në një prononcim për sajtin zyrtar të klubit dhe e pranon që pa tifozët nuk do të jetë njësoj.
“Eshtë një situtatë e çuditshme, papritur nuk mund të luanim më futboll, gjë që shpresojmë të bëjmë sa më shpejt. Duhet të jemi gati për t’u rikthyer. Po bëjmë më të mirën për të përgatitur skuadrën, po bëjmë ushtrime që nuk kemi mundur t’i bëjmë në karantinë dhe po përfitojmë nga rikthimi në stërvitje.
Ndeshjet pa tifozë? Duhet të përshtatemi, skemi çfarë të bëjmë. Jemi mësuar të luajmë përpara 81 mijë tifozëve, sigurisht që do të jetë ndryshe dhe e vështirë tani”, thekson Favre, timonieri zviceran i Borussia Dortmund. /abcnews.al
