Në ditët e fundit po flitet shumë për situatën e Gareth Bale. Një marrëdhënie e krisur me trajnerit Mourinho apo dhe ndoshta një rikthim i mundshëm te Real Madrid kanë qenë temat më pikante. Megjithatë, është agjenti i uellsianit, Jonathan Barnett, i cili ka sqaruar gjithçka në një intervistë për “Goal”.
“Bale ende e do Real Madridin. Ai nuk ka probleme me ta dhe padyshim që galaktikët janë një klub i mrekullueshëm. Nuk do të ishte problem që ai të kthehej. Ata thjesht duhet të vendosin nëse kanë nevojë për të përsëri si dhe nëse Gareth mund të luajë për ta. Mendoj se më mirë duhet të pyesni Zidane nëse ai e dëshiron në ekip”, deklaron anglezi 71-vjeçar.
“Marrëdhënia e tij me Mourinhon? Ata shkojnë shumë mirë dhe nuk kanë asnjë problem. Në fakt janë gazetarët ata që krijojnë problemin, edhe kur në fakt nuk ka një të tillë. Ne prisnim që ai të luante më shumë, si dhe gjërat nuk po shkojnë dhe aq mirë. Gjithashtu, edhe Tottenham nuk po ecën shumë mirë”, përfundon Barnett. /abcnews.al
