Kantautori i njohur italian Xhani Morandi do të performojë në 16 koncerte live këtë vjeshtë në qytetin e tij, Bolonja.
Xhani Morandi do të kthehet me koncerte live në qytetin e tij në Bolonja.
Këngëtari i njohur Italian i viteve 60-70 ka njoftuar se nga 1 nëntori do të ketë 16 mbrëmje live përgjatë muajit në Bolonja, nën logon “Sonte do të luaj në shtëpi – një jetë me këngë”.
Mësohet se Morandi do të shoqërohet në koncerte nga 2-3 instrumentistë me vegla akustike.
Repertori i këtyre koncerteve do të përmbajë këngët më të spikatura të karrierës artistike mbi 50 vjeçare të Xhani Morandit.
Me mbi 53 milionë disqe të shitur, mbi 4200 koncerte në Itali dhe mbi 420 të tjerë jashtë vendit, Morandi është një nga artistët italianë më të dashur për publikun në Itali dhe jo vetëm./abcnews,al
