Albumi i shumëpritur i grupit “Evanescence” i cili e mban titullin, “The Bitter Truth”, do të lancohet më 26 mars të vitit 2021.Ky album do të shënojë edhe rikthimin e grupit, pas pothuajse një decade.
Ndërkohë “Evanescence” e ka publikuar një këngë të re, “Yeah Right”, për ta shënuar paralajmërimin e albumit të radhës. Por kjo nuk është kënga e vetme e lancuar e këtij albumi. Brenda pesë muajve të fundit, grupi i ka publikuar edhe tri këngë të tjera të mirëpritura nga fansat, “Wasted On You”, “The Game Is Over” dhe “Use My Voice”.
Amy Lee, bashkëthemeluesja dhe vokalistja e bendit të njohur, në të kaluarën kishte treguar se puna rreth këtij albumi ka qenë më ndryshe.
38-vjeçarja ka shpjeguar se procesi i realizimit të këtij incizimi ishte më i veçantë, dhe jo vetëm për shkak të pandemisë.
Grupi “Evanescence” më së miri njihet për këngët, “Bring Me To Life” dhe “My Immortal”, të cilat i numërojnë nga 819 dhe 712 milionë klikime në platoformën YouTube. l.k/abcnews.al
