Një alarm për vendosjen e një bombe në Aeroportin Ndërkombëtar të Prishtinës “Adem Jashari”, është dhënë mbrëmë. Pas kontrolleve të Policisë, doli se alarmi ishte i rremë.
Lajmi është konfirmuar nga Shpend Maliqi, komandant stacioni.Fillimisht dyshohej se mjeti ishte në njërin prej avionëve. Informacioni kishte ardhur prej një burimi anonim.
Pas këtij informacioni, ishin kontrolluar çantat e të gjithë pasagjerëve që ishin në aeroplan.
Ndryshe, alarme të rrejshme për bomba janë dhënë edhe për Rektoratin e Universitetit të Prishtinës dhe Gjimnazin “Xhevdet Doda”./Gazeta Express
