Nëse po mendoni një udhëtim në një vend që ndërthur historinë e jashtëzakonshme, peizazhet spektakolare dhe kulturën e pasur, Shqipëria do të ishte destinacioni ideal për ju. Kështu e nis artikullin revista polake e udhëtimeve “Tanie Loty”, e cila rendit arsyet kryesore se pse Shqipëria duhet vizituar me patjetër.
Ja pse duhet të zgjidhni Shqipërinë si destinacionin tuaj të ardhshëm të udhëtimit:
Thesari i pazbuluar i Evropës
Në një kohë kur shumë destinacione evropiane janë të mbushura me turistë, Shqipëria mbetet ende më pak e njohur.
Kjo përkthehet në më pak turma vizitorësh dhe në një përvojë më autentike.
Peizazhe të ndryshme
Nga plazhet e arta të Rivierës Shqiptare e deri te malet madhështore në veri të vendit, Shqipëria ofron peizazhe që do t’ju lënë pa frymë.
Histori e pasur
Rrënojat e lashta, kështjellat dhe bunkerët mesjetarë nga epoka komuniste, dëshmojnë historinë magjepsëse dhe gjithëpërfshirëse të Shqipërisë.
Të vizitosh monumentet e saj është një udhëtim ndër shekuj.
Kultura dhe Tradita
Mikpritja shqiptare, muzika tradicionale dhe ushqimet e shijshme do t’ju bëjnë të ndiheni si në shtëpinë tuaj.
Çmime të përballueshme
Një nga avantazhet më të mëdha të Shqipërisë është se çmimet janë të përballueshme.
Akomodimi, ushqimi dhe vizitat në atraksionet turistike janë shumë më të lira se në shumicën e vendeve evropiane.
Afërsia dhe aksesueshmëria
Falë numrit në rritje të linjave ajrore dhe tokësore, udhëtimi në Shqipëri nuk ka qenë kurrë më i lehtë.
Shqipëria është destinacioni i përkryer për vendimet e minutës së fundit!
Pra, nëse jeni duke kërkuar për një vend që t’ju habisë në çdo hap, Shqipëria do të ishte zgjidhja perfekte. Zbuloni këtë perlë ballkanike dhe magjepsuni nga veçantia e tij
