Derbi i kryeqytetit rikthehet të premten. Të parin e fitoi Partizani, kurse të dytin Tirana. Tani është një betejë tjetër, që të dyja ekipet do duan ta fitojnë. Bardheblutë për të mbajtur kreun e klasifikimit dhe për të tentuar fitimin e titullit kampion.
Rivaliteti mes dy skuadrave dhe tifozerive është i madh. Gjithsesi është vetëm futboll dhe një mesazh pozitiv para derbit e ka shprehur edhe Agustin Torassa. Argjentinasi e ka përjetuar derbin edhe në krahun tjetër, atë të kuq.
Tanimë është pjesë e Tiranës, por kjo nuk e ndalon atë të pozojë me tifozët e Partizanit. Sulmuesi ka shpërndarë një foto nga “Air Albania Stadium”, ku shfaqet me dy tifozë të vegjël. /abcnews.al
