Sfida mes Partizanit dhe Skënderbeut ishte e fundit e javës së nëntë në Superiore. “Demat e Kuq” triumfuan me rezultatin 3-1, falë golave të Belicës, Telushit dhe Çinarit. Me këtë triumf, Partizani mori kreun e renditjes në Superiore me 17 pikë, duke ngjitur plot pesë pozicione.
Në vend të dytë, me një pikë më pak se “Demat”, renditet Bylisi. Skuadra ballshiote, e ardhur nga Kategoria e Parë, po i befason të gjithë këtë sezon, duke marrë shumë rezultate të mira. Këtë javë, Bylis mposhti bindshëm 3-1 ekipin e Tiranës. Një tjetër ekip që ka befasuar, është Vllaznia. Skuadra shkodrane renditet në vend të tretë, me 15 pikë. Këtë javë, të besuarit e Jonuz triumfuan në transfertë ndaj Flamurtarit, që vazhdon të qëndrojë në vend të fundit me vetëm 2 pikë.
Teuta dhe Kukësi ndajnë vendin e katërt dhe të pestë, me 15 dhe 14 pikë respektivisht. Tirana renditet e gjashta, me pikë të njëjta me verilindorët, ndërsa në vend të shtatë, vjen Skënderbeu me një pikë më pak. Laçi dhe Luftëtari ndajnë pozitat 8 dhe 9, me 10 dhe 6 pikë.
Java e dhjetë ka rezervuar disa sfida shumë interesante. Të dielën, Luftëtari përplaset me Tiranën, në një kohë ku bardheblutë e kanë të paqartë kreun e stolin. Bylisi pret Teutën në Ballsh, një sfidë që asnjëra nga skuadrat nuk do që ta humbasë. Vllaznua udhëton në Laç, një sfidë shumë delikate për të dy skuadrat.
Të hënën, Flamurtari do të synojë të marrë një rezultat pozitiv ndaj Skënderbeut, ndërsa kryendeshja e javës, është padiskutim ajo mes Partizanit dhe Kukësit në “Selman Stermasi”./abcnews.al
KATEGORIA SUPERIORE – JAVA 9
E mërkurë, 23 tetor 2019
Ora 13:00 | Kukësi-Luftëtari 4-1
Ora 13:00 | Laçi-Teuta 3-0
Ora 13:00 | Bylis-Tirana 3-1
Ora 16:00 | Flamurtari-Vllaznia 1-3
E enjte, 24 tetor 2019
Ora 15:00 | Partizani-Skënderbeu 3-1
KATEGORIA SUPERIORE – JAVA 10
E diel, më 27 tetor, ora 13:00
Luftëtari-Tirana
Bylis-Teuta
Laçi-Vllaznia
E hënë, më 28 tetor, ora 18:00
Flamurtari-Skënderbeu
Partizani-Kukësi
