Kur një skuadër transferon një lojtar ofensiv, qoftë sulmues ose mesfushor anësor, tifozët presin gola dhe asiste, sidomos nëse transferohesh për plot 25 milionë euro te skuadra e Newcastle.
Kur Miguel Almiron iu bashkua “Qymyrxhinjve” në muajin janar, tifozët bardhezi ishin shumë të lumtur, pasi mendonin se sulmuesi nga Paraguai do të ishte zgjidhja e problemeve në sulm.
Megjithatë, kjo gjë nuk ka ndodhur. Madje, Almiron po vuan që të gjejë rrugën e rrjetës me Newcastle, duke u quajtur dhe një lojtar i “mallkuar”. Almiron ka luajtur 26 ndeshje në Premier League, ku ka dhuruar vetëm një asist.
Goli po i mungon prej thuajse një viti dhe statistikat e tij janë shumë negative. Gjithsesi, Almiron është një lojtar shumë punëtor nga krahu i djathtë i sulmit dhe ka besimin e plotë të trajnerit Steve Bruce./abcnews.al
Miguel Almiron has now played 2️⃣6️⃣ Premier League games for Newcastle, more than two thirds of a league season.
Since joining for £20m in January he has:
0️⃣ goals
1️⃣ assist— Goal (@goal) December 8, 2019
