PSG dështoi në ndeshjen e parë përballë Borussia Dortmund. Kampionët e Francës humbën 2-1 në Gjermani përballë verdhezinjve të Haaland (shënoi dy golat e gjermanëve), por ky rezultat i lejon skuadrës së Tuchel të kualifikohet në ndeshjen shtëpiake.
Marco Verratti luajti gjatë gjithë takimit dhe është kthyer në lojtarin me më shumë prezenca nga radhët e PSG-së në Champions League. France Football raporton se mesfushori italian është ngjitur në shifrën e 58 takimeve ndërkombëtare, duke parakaluar Le Guen (57 ndeshje).
Verratti ndiqet nga Thiago Silva me 57 ndeshje, teksa më pas vjen Edinson Cavani me 53 takime europiane. Edhe Marquinhos nuk është keq dhe numëron 51 të tilla. Sfida e kthimit zhvillohet me 11 mars në “Parc des Princes”, aty ku do të mësojmë skuadrën që do të kualifikohet në çerekfinalet e kompeticionit më të rëndësishëm për klube. /abcnews.al
