Anëtari i Kryesisë së PD-së, Bardh Kadilli i ftuar në “Byro Politike” me gazetaren Juli Xhokaxhi, sa i përket përplasjeve të institucioneve politike, ka theksuar se duhet të frikësohet e gjithë klasa politike që është e përfshirë në zullume.
Për Kadillin shkarkimi i Presidentit Meta është masa më e parëndësishmë për shqiptarët, sipas tij abuzimi i pushtetit ekzekutiv nëse nuk ndalet me votën e radhës do të krijojë ngërçe të thella në politike.
“Opozita nuk ka asnjë rol në reformën në drejtësi, nuk ka pasur mundësi as të bllokojë dhe as të kontribuojë”, tha Kadilli.
Kemi një president që ka mandatin më të gjatë se parlamenti, u shpreh ndër të tjera Kadilli.
Ai shprehet çdo qeveri tenton të kalojë gardhin, tenton të hyjë në zonën gri, por atë e mban vetëm Gjykata e Lartë.
Pyetjes se a do të guxonte kryeministri Rama të kapë Reformën në Drejtësi, ai thotë se politika duhet të shkëputet nga gjyqësori.
“Ka në vështrim krejt tjetër, ne si shqiptarë nuk mund të pranojmë çfarë thonë ndërkombëtarët, sjelljet tona përcaktojnë se kush jemi ne. Nëse duan vërtet ta shkëpusim politikën nga gjyqësori procesi i Vettingut do të ishte ai i cili do ta bënte këtë filtrim”, tha Kadilli./abcnews.al
