Robert Lewandowski shkëlqen prej shtatë vitesh te Bayern Munchen, ekip me të cilin ka fituar çdo trofe të mundshëm. Sulmuesi polak mbush 33 vjeç në muajin gusht, teksa ka edhe dy vite kontratë me rekordmenët e futbollit gjerman.
Edhe pse ndihet për mrekulli në Bavari, Lewandowski dëshiron të provojë një aventurë të re pas 11 sezoneve të kaluara në Bundesligë. AS shkruan se Real Madrid po monitoron me kujdes situatën e futbollistit më të mirë të vitit 2020.
Carlo Ancelotti e njeh shumë mirë, ka punuar te Bayerni me të dhe shpreson ta ketë në dispozicion. Lewandowski premton gola pafund dhe Florentino Perez po përgatit ofertën e parë për Bayern Munchen.
Kampionët e Gjermanisë nuk duan të privohen nga shërbimet e yllit të skuadrës, por dëshira e vetë lojtarit ka rëndësi të madhe. Për goeladorin e Polonisë interesohen edhe Chelsea, PSG, Manchester United dhe Manchester City. /abcnews.al
