Real Madrid arriti dje fitoren e gjashtë rresht dhe rrëmbeu vendin e parë në La Liga, teksa ditë më parë u kualifikua në fazën tjetër të Champions League. Kështu, madrilenët mbyllin në mënyrën më të mirë vitin 2020, duke arritur objektivat e vendosura, edhe pse me shumë përpjekje.
Së fundmi për Movistar ka folur një nga yjet e kryeqytetasve, Casemiro. Braziliani shpreh ndjenja të përziera për faktin se pushimet vijnë në këtë moment, kur ekipi kishte arritur në formën më të mirë dhe po korrte fitore radhazi.
“Ne duhet të pushojmë tani, por në të njëjtën kohë do të dëshironim të vazhdonim serinë tonët fitoreve. Nga kjo pikëpamje është turp të ndalemi për pushime dimërore. Ka ende shumë ndeshje në kampionat, që mungojnë dhe ne duhet të qëndrojmë aty ku jemi tani”, u shpreh mesfushori brazilian. /abcnews.al
