Skuadra e Real Madrid nuk zhgënjeu në miqësoren ndaj Salzburg. Madrilenët fituan me shifrat mininale 1-0 falë golit të Eden Hazard. Trajneri Zidane luajti për herë të parë me skemën me tre mbrojtës ndërkohë që Gareth Bale nuk ishte as në bankinën rezervë.
Spanjollet dominuan takimin gjatë 90 minutave ndërkohë që kaluan në avantazh falë Eden Hazard. Blerja më e bujshme e kësaj merkatoje për Real Madrid realizoi një gol fantastik që rezultoi vendimtar për fatet e takimit. Ndaj Salzburg ishte goli i pare i belgut me fanellën e Real Madrid.
Tekniku francez bëri shumë ndryshime në pjesën e dytë duke inkuadruar Joviç, Vazkues apo Vinicius të cilët dhanë sinjale pozitive edhe pse rezultati nuk ndryshoi. Madrilenët u paraqitën mirë edhe në mbrojtje i cili ka rezultuar reparti më problematik në ndeshjet miqësore. Reali i Zinedine Zidane po tregon rritje nga dita në ditë dhe spanjollët po arrijnë formën e duhur për të qenë gati për startin e sezonit të ri të La Liga-s./ABC News Albania 24/7
