Legjenda e mbrojtjes së Italisë dhe Juventus, Fabio Cannavaro, beson se Real Madrid do të ketë avantazh ndaj anglezve të Manchester City në gjysmëfinalen e Champions League.
Sfida e parë përfundoi me rezultatin 1-1 në “Bernabeu”, një ndeshje me tension dhe spektakël nga të dyja palët dhe gjithçka tashmë mbetet e hapur për ndeshjen e kthimit në “Etihad”.
Duke folur për “AS”, Cannavaro fgillimisht ka reflektuar për ndeshjen e parë mes këtyre dy skuadrave.
“Me Manchester City ishte një lojë e mrekullueshme, e luajtur mirë nga të dyja skuadrat dhe me një rezultat final shumë të balancuar që lë gjithçka të hapur për në “Etihad”. Unë nuk e shoh faviorit ekipin e Guardiola. Duke e njohur Realin, jam i bindur se ata do të shkojnë në Manchester për të fituar, gjithmonë të armatosur.
Për llojin e futbollit që luajnë me Ancelottin edhe jashtë shtëpisë, e shoh Realin si favorit për ndeshjen e kthimit. Shpresoj se ata mund të kualifikohen në një tjetër finale të champions League.
Ata kanë një trajner që në heshtje përfundon gjithmonë duke arritur diçka. Carlo është një fenomen në këtë kuptim dhe, për këtë arsye, Real Madrid gjithmonë përfundon duke i frikësuar rivalët e tyre në gjysmëfinale”, është shprehur Cannavaro./ h.ll/abcnews.al
