Një rast i pazakontë është identifikuar së fundmi në mjekësi mes një nëne dhe fëmijës së saj.
Fiona Hooker, e cila pati flluska dhe plagë në të gjithë trupin gjatë shtatzënisë, u trondit kur mësoi se ishte alergjike ndaj ADN-së së foshnjës së saj të palindur.
Fiona mbeti shtatzënë me fëmijën e saj të dytë në fund të vitit 2020. Muajt e parë të shtatzënisë shkuan pa probleme, por rreth 2 muaj para lindjes ajo filloi të dallonte njolla të kuqe në bark. Pastaj, befas, në stomaku filluan të formohen flluska dhe plagë.
Fillimisht, 32-vjeçarja filloi të kishte kruarje nga pikat e vogla në stomak, por shpejt u bënë më të mëdha dhe më të dhimbshme, duke u përhapur në pjesë të ndryshme të trupit.
“Unë u trondita kur u diagnostikova me sëmundjen time, sepse është një dukuri kaq e rrallë. Shpresoja që mjekët të kishin bërë një diagnozë të gabuar”, tha Fiona.
Mjekët i dhanë gruas shtatzënë katër ditë ilaçe për ta qetësuar dhe lehtësuar dhimbjen e saj.
Ndërkohë, Fiona ka një vajzë 3-vjeçare të quajtur Phoebe. Kështu që mjekët fillimisht nuk mundën të kuptonin shkakun e këtyre kruajtjeve, pasi në shtatzëninë e parë nuk pati komplikime.
Pasi lindi djalin e saj, Barney, më 13 qershor 2021, stomaku, kofshët, krahët dhe gjoksi i Fionës ishin plot me flluska. Prandaj, edhe mbajtja në krahë e foshnjës së saj të porsalindur u bë shumë e dhimbshme për të.
Mjekët e diagnostikuan Fionën me ‘Pemfigoid Gestationis’, një gjendje e rrallë e shtatzënisë autoimune pas lindjes së djalit të saj.
Fiona më në fund është në gjendje të lidhet me fëmijën e saj shtatë muajsh pa vuajtjet e saj, por ajo thotë se nuk ka gjasa të bëjë më shumë fëmijë për shkak të asaj që ka kaluar./abcnews.al
