Frika për trazira të mundshme gjatë inaugurimit të nesërm të Presidentit të 46-të Joe Biden në Washington, D.C., i ka detyruar shumë media amerikane t’i përgatisin gazetarët me pajisjet e nevojshme në “zonat e luftës”.
Për ta mbajtur stafin e tyre të sigurt, gazetarëve u është dhënë jelekë antiplumb dhe madje maska kundra gaz për çdo rast, sipas CNN.
“Agjencitë e lajmeve të tilla si Los Angeles Times kanë shpërndarë pajisje mbrojtëse dhe kanë trajnuar stafin e tyre në seminare të sigurisë. Pas sulmeve të përgjakshme në Kapitol më 6 janar nga trazirat në mbështetje të Donald Trump që rezultuan në vdekjen e pesë personave, gazetarët duhet të jenë të përgatitur për çdo zhvillim” , raporton rrjeti amerikan.
“Qëllimi im është të mbroj stafin tim, të mbroj gazetarët e mi dhe t’i mbaj ata të sigurt,” tha Gabriel Kelly, kryeredaktor i Los Angeles Times në CNN Business.
Media amerikane është informuar nga FBI për mundësinë e protestave të armatosura në të pesëdhjetë shtetet e SHBA, vetëm disa orë para betimit të Joe Biden.
Nearly 200,000 flags are on display at the National Mall ahead of Joe Biden’s inauguration. The “Field of Flags” represents the American people who were unable to travel to Washington, D.C. for Inauguration Day amid the coronavirus pandemic and security threats pic.twitter.com/ziIThFE1cl
— Loni Love (@LoniLove) January 19, 2021
Nga ana tjetër, Pentagoni ka autorizuar deri në 25,000 anëtarë të Gardës Kombëtare për të “krehur” zonën.
Për këtë arsye, gazetarja Sarah Weir nga “Los Angeles Times” e cila do të mbulojë inaugurimin e Presidentit të 46-të të SHBA, mësoi të përdorë maskën kundra gaz pasi kishte bërë disa herë prova.
Në të njëjtën kohë, imazhet nga përgatitjet për betimin janë mbresëlënëse. Para Kapitolit një sipërfaqe e madhe është mbuluar me flamuj. g.v/abcnews.al
