Kryeministri Rama theksoi sot në parlament se Shqipëria nis shumë shpejt përgatitjet konkrete për procesin e hapjes së negociatave qershorin e ardhshëm. Rama akuzoi përsëri opozitën se ka punuar dhe punon kundër vendit. Ndërsa kreu demokrat Basha tha se Shqipëria nuk do të ketë datë për hapjen e negociatave përsa kohë të ketë në krye qeverinë e lidhur me krimin.
Në veshjen e tij të preferuar, shefi i ekzekutivit Edi Rama, diskutimin e raportit ë Këshillit Europian, arsyeja pse Konferenca e Kryetarëve vendosi 7 orë e gjysmë hapsirë për debat parlamentar, e nisi duke ia mohuar nevojen.
“ A ka njeri të ma thotë se çfarë mund të më thotë se çfarë mund të debatojmë me këta. Të debatosh se opozta jonë është e vetmja që thotë se Shqipëria dështoi dhe sinqerisht nuk kemi punë me ju, sepse kemi shumë punë. Ne kemi datën këta thonë jo”.
Kornizë, të asaj që quan arritje historike, i vendos urimet e marra nga kanalet diplomatike europiane.
“ Këshilli Europian poston edhe një kartolinë urimi për shqiptarët, KE përshëndet vendimin na kanë uruar. Sot kam ftesën për të filluar punën përgatitore në Bruksel për t’u ulur me delegacionet. Në korrik vjen ekipi i KE për programin analitik”.
Pasi përsëriti akuzën drejtuar opozitës, për baltosje të vendit përtej kufijve, Kryeministri iu kthye shpejt batutave…
“O Zot e ke kufizuar inteligjencën, po pse e ke lënë budallikun pa kufi, hë mor Zot pse”.
…me të cilat nuk mbushi dot 40 minutat e mbetura të fjalës së regjistruar…
“Budallallëkut pa kufi unë tani po i hap rrugë, dhe debat të mbarë në të folurit me veten tuaj”
Për shefin e opozitës, kjo bën gjithçka edhe më të qartë…
“Nuk e ka kufizuar që të durojmë këtë. Ky do të vazhdojë të pëllasë në këtë sallë pa dhënë llogari. Do vazhdojë t’ju shesë sapunin për djathë moshapjen e negociatave për hapje negociatash. Nuk ka hapje të negociatave me Shqipërinë. Ka një shtyrje të vendimit me një vit, de nëse kushtet nuk plotësohen prapë nuk ka hapje negociatash”.
Për baltosje të vendit përtej kufijve Lulzim Basha i kujton socialistëve një tjetër episod.
“Ka një dallim shumë të madh mes historisë së Griseldës, historisë së gruas së Elvis Roshit, që vuri një jastëk në bark, deklaroi pastaj se e abortuan me forcë demokratët, në mënyrë që Rama e Veliaj të vraponin në Bruksel dhe të gënjenin miqtë e Shqipërisë mes denoncimit të të këqijave që i kanë zënë fytin shqiptarëve të zhytur përditë në mjerim, në pamundësi, ka një ndryshim shumë të madh në luftën për të nxirë imazhin e vendit që mos bëheshim anëtarë të NATO-s, që mos hiqeshin vizat për shqiptarët. Dhe përpjekjes për t’u thënë europianëve që ne opozita i njohim problemet tona dhe pa i zgjidhur ato nuk ka Europë”.
Që Shqipëria të marrë një lajm pozitiv fundvitin e ardhshëm sa i përket negociatave vendi kërkon një qasje të re, thekson Basha, e kjo sipas tij nis me bashkimin e gjithë shqiptarëve edhe socialistëve të ndershëm në largimin e shkaktarit të gjithçkaje, kryeminsitrit Edi Rama. /abcnews.al
