Avokati i Popullit ka publikuar raportin përfundimtar lidhur me arrestimet e protestuesve qe tubuan në “Rrugën e Kombit”, për kundërshtimin e tarifës së vendosur për kalimin në këtë rrugë.
Në dokumentin e publikuar per mediat saktesohet se “urdhërat e ndalimit të nxjerrë nga Prokuroria nuk përmbajnë asnjë arsyetim në lidhje me shkaqet që kanë çuar Prokurorinë në zbatimin në rastin konkret të një masë sigurie me privim lirie.
Gjithashtu, ne raport thuhet se nuk janë evidentuar nga ana e Prokurorisë dhe Policisë veprimet konkrete të bëra midis tyre për të dokumentuar orën në të cilën i është kërkuar policisë zbatimi i këtyre urdhrave të ndalimit. Sipas raportit të Avokatit të Popullit, nuk rezulton asnjë dokumentim në lidhje me grupet e ngarkuara nga ana e Policisë për të ekzekutuar urdhrat e ndalimit ose personin përgjegjës.
Lidhur me një çështje të tillë, Avokati i Popullit ka radhitur në raport dhe rekomandimet për Policinë, Prokurorinë dhe Gjykatën. /abcnews.al
