Pothuajse gjysma e popullsisë së botës vuan nga uria, sipas një raporti të publikuar sot. Sipas të dhënave të këtij raporti vjetor të titulluar “Raporti global i të ushqyerit” (GNR) nga organizata të tilla si Unicef, Organizata Botërore e Shëndetësisë ose Organizata e Ushqimit dhe Bujqësisë, 48% e njerëzve hanë shumë ose shumë pak.
Me ritmet aktuale, bota nuk do të arrijë tetë nga nëntë objektivat e OBSH-së që janë vendosur për vitin 2025. Këto synime përfshijnë uljen e peshës tek fëmijët si dhe obezitetin tek të rriturit. Raporti vlerëson se rreth 150 milionë fëmijë nën moshën 5 vjeç vuajnë nga zhvillimi i vonuar, më shumë se 45 milionë janë të dobët dhe pothuajse 40 milionë janë mbipeshë.
??Alarming stats from the 2021 @GNReport ? number of avoidable deaths due to poor diets are up by 15% since 2010. ? Poor diets are now responsible for 12 million deaths annually. ➡️https://t.co/2I2G7IQxKD #NutritionCantWait #Nutrition4All #ActOnNCDs pic.twitter.com/kqMwVWMS4H
— NCD Alliance (@ncdalliance) November 23, 2021
40% e burrave dhe grave janë mbipeshë ose obezë
“Vdekjet nga kequshqyerja janë rritur me 15% që nga viti 2010 dhe tani përbëjnë ‘një të katërtën e të gjitha vdekjeve të të rriturve’,” tha Renata Misa, kryetare e Grupit të Pavarur të Ekspertëve GNR.
“Të dhënat globale tregojnë se dieta jonë nuk është përmirësuar gjatë dhjetë viteve të fundit dhe tani përbën një kërcënim serioz për shëndetin e njeriut dhe planetin”, shtoi ajo.
Sipas raportit, njerëzit nuk konsumojnë sasitë e rekomanduara të ushqimeve që janë të rëndësishme për shëndetin, si frutat dhe perimet. Siç dihet, në vendet me të ardhura të ulëta konsumi i këtyre ushqimeve është më i ulët, raporton abcnews.al
Vendet me të ardhura të larta konsumojnë më shumë ushqime që janë të dëmshme për shëndetin
Në fund të fundit, vendet me të ardhura të larta konsumojnë më shumë ushqime që janë të dëmshme për shëndetin, si mishi i kuq, bulmeti dhe pijet me sheqer dhe kanë përqindjen më të lartë të njerëzve mbipeshë.
Në të njëjtën kohë, GNR vlerësoi se nevojat globale për ushqim shkaktuan në vitin 2018 rreth 35% të gazeve serrë. Sipas raportit, pandemia e Covid-19 prishi ekuilibrat e sistemeve ushqimore dhe shëndetësore, por gjithashtu la në varfëri ekstreme 155 milionë njerëz të tjerë.
/abcnews.al
