Real Madrid nuk shkoi më shumë se barazimi 0-0 në derbin kundër Atleticos së Diego Simeones. Barazimi i mban “Los Blancos” në krye të renditjes me 15 pikë dhe mbeten ekipi i vetëm i pamposhtur deri tani.
Sergio Ramos ka analizuar përballjen e mbrëmjes së kaluar. Kapiteni i Realit pranon vështirësitë e hasura në prononcimin e dhënë për “Movistar TV”, por në të njëjtën kohë thekson se Reali meritonte diçka më shumë.
“Ishte një ndeshje shumë fizike dhe e luftuar. Fusha e Atleticos është ndër më të vështirat në Spanjë. Kishim një rast të mirë me Benzema, por Oblak kreu një pritje të madhe. Bëmë më shumë se kundërshtari për tre pikët dhe jemi në rrugë të mbarë”, përfundon Sergio Ramos. /abcnews.al
