Ditën e sotme kryeministri Edi Rama ka prezantuar kryenegociatorin e Shqipërisë në Bashkimin Europian, Zef Mazi dhe grupin e punës që do të merret me integrimin e vendit.
Gjatë fjalës së tij, Rama foli dhe opozitën për të bashkëpunuar për integrimin e vendit.
Kryeministri theksoi se që opozita të mos mbesë vetëm tek fjalët që “duan integrimin në BE”, duhet të kalojnë përtej konflikteve.
Teksa opozita e akuzon për mosplotësimin e kushteve të vendosura për integrimin, Rama tha se me çeljen e procesit të Integrimit, nuk do të ketë 15 kushte, por mijëra.
“E kam në krahun tim të majtë në tavolinë, por ai i qëndron diplomacisë as majtas e djathtas, por interesa e të kombit. Është më shumë se një diplomat, falë kontributit në agjencisë e teknologjisë bërthamore dhe formulimin e politikave afatgjata për një botë të sigurt, hyn në rrethin e atyre njerëzve që Shqipëria i ka dhe jo pak në botën e sotme dhe në një farë mënyrë përfaqëson të dyja anët e medalje e 30 viteve të fundit.
Është një ndeshje që nuk dihet se sa kohë do zgjasë integrimi ne BE. Një individ që duhet të ketë refencën e të gjitha palëve dhe ky është një proces ku palët nuk duhet të mjaftohen me shprehen për integrimin në BE por të gjejnë forca për të bashkëpunuar përtej konflikteve politike që prodhon dita.
Është një sfidë e madhe për kryenegociatorin, nga njëra anë do të përfaqësoj ekipin tonë përballë ekipit tjetër, por duhet të krijojë një frymë, disiplinë skuadre kushte që koordinatorët t’i përkushtohen këtij procesi, jo si një punë e dytë se një pjesë janë zv. ministrja, por nga momenti i krijimit të kësaj skuadre, ky është prioriteti numër një dhe nuk është një punë dytësore, por një punë në skuadër, ku nuk bëhet fjalë vetëm për personat e kontaktit për bërthamën e re që çdo institucion që duhen motivuar nga përfaqësuesit e këtij rrjeti.
Përzgjedhja është bërë mbi profilet më të përshtatshme, por nga ky moment të gjithë ta kenë të qartë që janë në varësi të kryenegociatorit dhe do të jetë ai që do të përcaktojë vijimësinë e gjithë secilit. Kryenegociatori mundt ë bëjë zëvendësime për ato që nuk i përgjigjen ritmit dhe afateve, apo nevojës për të pasur.
Mbajtja e kontakteve të drejtëpdrejta, hartimi i politikave,i drafteve për të përmbushur sa më shpejt, të gjitha detyrat që lidhjet me kapituj e integrimit, Grupi do të mbështetet nga të gjitha kapacitet e qeverisë, që do të vijojë të bëjë rolin e tij.
Nuk është qeveri më vete, dhe qeveria nuk i lan duart me këtë punë, por ndërvepron intensivisht me këtë grup, por ky grup nga një pushtet me rëndësi të madhe dhe urdhërues mbi qeverinë dhe institucioneve. Për interesa partiake mund të recitohet kënga e kushteve, por në fakt me rifillimin e këtij procesi janë mijëra, se mijëra janë faqet e përafrimit dhe përputhjes së legjislacionit dhe dokumenteve lidhur me këtë proces.
Nuk është vetëm shkrimi i ligjeve, por edhe zbatimi i tyre. Nëse sot për të arritur në çeljen e Konferencën ndërqeveritare, që është hapja formale dhe zyrtare kur qeveria e BE dhe e Shqipërisë ulen në tryezë”, tha Rama.
Më tej e mori fjalën kryenegociatori për Zhvillimin e Negociatave për anëtarësimin e Shqipërisë në BE, Zef Mazi, i cili në fjalën e tij zbuloi moton që do udhëheqë punën e ekipit të tij.
Ai tha se ky ekip se do të përbëhet nga shumë pak persona, dhe nënvizoi se kjo është “një rrugë e gjatë me sfida e vështirësi, do të ketë edhe pengesa, por motoja duhet të jetë rruga që për të bërë atë që duhet të bëjmë në plotësim të kushteve”.
“Ju kryeministër përmendët mijëra faqe, janë 130 mijë faqe, në 35 kapituj, ndaj ka shumë rëndësi ekipi, sukses i misionit, është kur ekipi funksion i koordinuar duke ruajtur ritmin e kryerjes së detyrave, as ulje e as nxitim i madh, se këtu kemi maratonë të gjatë dhe eksperienca është që ato që na ka treguar se ata që e nisin me vrap nuk bëjnë dot as gjysmën, është garë e gjatë, qëllimi është i madh dhe është i njëjtë, detyra ime do jetë që tu dëgjoj, sqaroj ,kërkoj pa asnjë shmangie e ulje ritmi duke biseduar me gjithë aktorët, pasi ka nevojë të plotë të mbështetjes, presidentit, kryetarit të parlamentit, qeverisë, akademikëve shoqërisë civile, mediave.
Kemi folur edhe për një akademi integrimi. Suksesi i punës ka më shumë rëndësi se preferencat individuale, unë vij në këtë post i nderuar, pas shumë vitesh pune jashtë shtetit, në organizata botërore ndërkombëtare, ka qenë një vlerësim mjaft i madh, por ky post që kam sot e kam pas nderin të caktohem prej jush, është emocionalisht shumë i veçantë, krenari dhe nder se unë do punoj bashkë me ju, për vendin tim, për shtetin tim”, tha Mazi./abcnews.al
